Volkswagen ҳарбий машиналар ишлаб чиқаришни бошлаши мумкин

Volkswagen Rheinmetall билан мумкин бўлган ҳамкорликни муҳокама қилади. Икки компаниянинг мумкин бўлган ҳамкорлиги ҳақидаги миш-мишлар узоқ вақтдан бери тарқалиб келмоқда ва ВW бош директори Оливер Блуме яқинда Британиянинг Telegraph газетасига берган интервюсида уларни билвосита тасдиқлади:

"Агар ҳарбий машиналар соҳасида олдинга силжиш имконияти мавжуд бўлса, биз бу тушунчаларни кўриб чиқамиз."

Ушбу ҳарбий консернининг бош директори Армин Паппергер бир кун аввал Оснабрюкдаги (Қуйи Саксония) Volkswagen заводига ташриф буюрди. Унинг хулосасига кўра, завод ҳарбий машиналар ишлаб чиқариш учун "яхши мослашган".

Rheinmetall ва Volkswagen'нинг юк машиналари бўлими бўлган MAN Truck and Bus 2010 йилдан бери қўшма корхонага эга. Уларнинг Rheinmetall MAN Military Vehicles (RMMV) лойиҳаси Мюнхен ва Касселда (Гессен) бошқа ҳарбий машиналарни ишлаб чиқаради. Bild нашрининг ёзишича, Volkswagen Оснабрюкда Бундесвер ва чет эллик мижозлардан буюртмалар сони ортиши биланоқ жорий РММВ моделларини ишлаб чиқаришни бошлаши мумкин.