Владимир Путин Шимолий Корея қўшинлари Курск вилоятидан шармандаларча чекиниши туфайли довдираб қолди

Россиянинг Курск вилоятида жанг қилиш учун юборилган шимолий кореялик аскарлар бир неча ҳафтадан бери кўринмаётгани ҳақида хабарлар тарқалмоқда.

Шимолий Корея қўшинлари Владимир Путинга зарба бериб, Россиянинг Курск вилоятидан шармандаларча чекинишга мажбур бўлди.

Жанубий Корея Миллий разведка хизмати маълумотларига кўра, Пхенян қўшинлари январь ойида фронт чизиғидан олиб чиқилгани тасдиқланган.

Ўтган йил охирида Украина Россиянинг Курск вилоятида ҳужум бошлагач, Шимолий Кореянинг тахминан 10-11 минг аскари урушга қўшилган эди.

Жанубий Корея жосуслик агентлиги маълумотларига кўра, Украина кучларига қарши жангларда 300 га яқин шимолий кореялик аскар ҳалок бўлган ва яна 2700 нафари яраланган.

Шимолий Кореянинг ушбу урушга аралашуви мамлакат 1950-53 йиллардаги Корея урушидан кейин биринчи марта кенг кўламли можарога қўшилишини англатади.

Жанубий Корея Миллий ассамблеяси аъзоси Ли Сон Квюн айтишича, Шимолий Корея аскарлари Россия қўмондонлари томонидан орқа томондан ўт очиш ёрдамисиз жангларга ташланган.

Жаноб Ли Жанубий Корея махфий хизматига асосланиб айтишича, ҳалок бўлган шимолий кореялик аскарларнинг ёнидан топилган хатларда уларга асирга тушишдан олдин ўзларини ўлдириш буюрилган.

Хизмат маълумотига кўра, Украина кучлари томонидан асирга олиниш хавфи остида қолган шимолий кореялик аскарлардан бири "генерал Ким Чен Ин" деб бақирган ва отиб ўлдирилишидан олдин қўл гранатасини портлатишга уринган.

Миллий разведка хизмати мутахассислари фикрича, Шимолий Корея аскарлари дронлар ва замонавий урушнинг бошқа жиҳозлари билан курашишда қийналишган.

Жанубий Корея махфий хизмати маълумотига кўра, Шимолий Кореянинг талафотлари сони Курскдан қўшинларни олиб чиқиш қарорига таъсир кўрсатган омиллардан бири бўлган.