Вьетнамнинг марказий ҳудудларида кучли ёмғир ва сув тошқинлари оқибатида ҳалок бўлганлар сони 35 кишига етди. Илгариги ҳисоботда қурбонлар сони 28 нафар деб хабар берилган эди.
Бу ҳақда «Report» нашри «Синьхуа» агентлигига таяниб маълум қилди. Маълумотга кўра, бу ҳақда мамлакатнинг Табиий офат оқибатларини бартараф этиш ва тўғонларни бошқариш бош бошқармаси хабар берган.
Ҳозирда 5 киши бедарак йўқолганлар рўйхатида, яна 60 нафар фуқаро жароҳат олган.
Табиий офат натижасида 16,5 мингдан ортиқ уй, 6,1 минг гектардан зиёд экин майдонлари ва боғлар сув остида қолган, шунингдек, 75 мингга яқин хонадон ҳануз электр таъминотисиз қолмоқда.
Вьетнам ҳукумати марказий ҳудуддаги тўртта шаҳар ва вилоятни қўллаб-қувватлаш мақсадида 450 миллиард вьетнам донги (тахминан 17,93 миллион доллар) миқдорида фавқулодда ёрдам жамғармасини ташкил этишни маъқуллади.
2026 йилда ойлик, стипендия, пенсия ва нафақалар оширилади
Гулистон шаҳридаги овқатланиш шохобчасида портлаш рўй берди (видео)
Эронда 61 млн тонналик олтин захираси топилди
