Вэнс: «АҚШ-Эрон келишуви Яқин Шарқни кейинги 50 йил ичида ўзгартириши мумкин»

АҚШ ва Эрон ўртасида шартнома имзоланиши Яқин Шарқда кейинги 50 йил давомида туб ўзгаришларга сабаб бўлиши мумкин.

Бу ҳақда АҚШ вице-президенти Жей Ди Вэнс «Fox News» телеканалига берган интервьюсида маълум қилди.

«Агар эронликлар ушбу келишув шартларига амал қилишса, бу Яқин Шарқни кейинги 50 йил ичида тубдан ўзгартиради. Бу урушларга чек қўяди, минтақани инвестициялар учун янада жозибадор қилади. Шу билан бирга, Америка халқи фаровонлигининг юксалишига ва энергия ресурслари нархининг пасайишига хизмат қилади», — дея таъкидлади у.