Бир киши Венгриянинг Калосса шаҳридаги аэродромдан Cessna-172 енгил самолётини олиб қочиб, уни "Пакш" атом электр станцияси томон учирган, шундан сўнг у ҳалокатга учраган.
Бу ҳақда HVG газетаси хабар берди.
Газета хабарига кўра, 2002 йилда туғилган эркак самолётни олиб қочиб, атом электр станцияси томон йўл олган. Венгрия мудофаа вазири Ромулус Русин-Сзенди мамлакат мудофаа кучларининг радарлари самолётни дарҳол аниқлаганини, шундан сўнг иккита қирувчи самолёт ҳавога кўтарилганини маълум қилди.
Пакш атом электр станциясидан 3 километр радиусда 6000 метрдан паст баландликда парвозлар тақиқланган.
Тўхтатилгандан сўнг, самолёт Гержен қишлоғи яқинидаги кунгабоқар даласига қулаган. Қўниш мосламаси узилиб қолган. Воқеа жойига ўт ўчирувчилар ва қутқарув вертолёти етиб келган.
HVG маълумотларига кўра, ҳодисада ҳеч ким жабрланмаган.
Ҳодиса юзасидан тергов бошланган.
Wildberries асосчиси яна Россиянинг энг бой аёлига айланди
Уч ёшида тахтга чиққан Уганда монархи 34 ёшида вафот этди
Россияда дронларга қарши “ақлли” радар ишлаб чиқилди
