Венесуэладаги зилзиладан кейин аёл бино вайроналари орасида чақалоқ дунёга келтирди (видео)

Венесуэлада зилзиладан кейин қулаган бино вайроналари остида бир аёл бола туғди.

Бу ҳақда El Mundo нашри хабар берди.

Газета хабарига кўра, кўнгиллилар аёлга ёрдам беришган. Туғруқ электр энергияси ёки тиббий жиҳозларсиз содир бўлган.

Зилзила 24 июнь куни кечқурун Венесуэлада содир бўлди. Тахминан 40 сония оралиғида 7,2 ва 7,5 магнитудали иккита зилзила қайд этилди. Уларнинг эпицентрлари Венесуэланинг Ярасуй штатида 10 километр масофада жойлашган. Зилзиладан кейин тахминан 30 та афтершок қайд этилган. Соғлиқни сақлаш вазири Карлос Альварадонинг сўзларига кўра, 235 киши ҳалок бўлган ва 4300 дан ортиқ киши жароҳатланган. Ўнлаб бинолар вайрон бўлган. Венесуэла расмийлари фавқулодда ҳолат эълон қилишди ва қирғоқбўйи штати Ла Гуаира фалокат зонаси деб эълон қилинди.