Венесуэладаги зилзила қурбонлари сони 5300 нафарга яқинлашди

Венесуэладаги кучли зилзила оқибатида ҳалок бўлганлар сони 5278 кишига етди.

Бу ҳақда Миллий Ассамблея (парламент) спикери Хорхе Родригес ўзининг Телеграм-каналида эълон қилди.

Ҳукуматнинг кундалик ҳисоботига кўра, 16 740 киши турли даражадаги жароҳатлар олди, яна 17 907 киши уйсиз қолди. 190 та иншоот бутунлай вайрон бўлган, 856 таси жиддий зарар кўрган.

Қидирув-қутқарув ишлари натижасида 6462 киши қутқарилди, 41 069 киши касалхоналарда тиббий ёрдам олди. 128 324 оилага ёрдам кўрсатилди, 23 587 киши 107 та вақтинчалик лагерга жойлаштирилди ва жабрланганларга 10 964,97 тонна озиқ-овқат етказиб берилди.

24 июнь оқшомида Венесуэлада зилзилалар содир бўлди. Тахминан 40 сония оралиғида 7,2 ва 7,5 магнитудали иккита сейсмик ҳодиса қайд этилди. Зилзила эпицентрлари Ярасуй штатида бир-биридан 10 километр узоқликда жойлашган эди. Кейинчалик 1405 та афтершок қайд этилди.