Вашингтон саммитида эришилган келишувлар ва илгари сурилган таклифлар эълон қилинди

АҚШ ва Ўзбекистон раҳбарлари иштирокида бўлиб ўтган “C5+1” форматидаги саммит якунлари бўйича муҳим келишувлар ва истиқболли таклифлар маълум қилинди. Учрашув икки томонлама иқтисодий ҳамкорликни янги босқичга олиб чиқишни кўзда тутади.

🔹 Стратегик хомашё соҳасида ҳамкорлик
Ўзбекистон ва АҚШ уран, мис, вольфрам, молибден ва графитни қазиб олиш ҳамда уларни чуқур қайта ишлаш бўйича ҳамкорликни кенгайтиради.

🔹 Aviatsiya соҳасида янги келишув
Uzbekistan Airways яна 8 та Boeing 787 Dreamliner самолётини харид қилади. Шу билан жами буюртма қилинган самолётлар сони 22 тага етди. Лойиҳага АҚШ Экспорт-импорт банки ҳам жалб этилади.

🔹 Қишлоқ хўжалигида йирик инвестиция
Американинг John Deere компанияси билан 300 млн долларлик битим имзоланди. Шундан 150 млн доллар пахта териш машиналари сотиб олишга йўналтирилади.

🔹 Молия соҳасида янги қадам
АҚШ Халқаро молиявий тараққиёт корпорацияси (DFC) Тошкент шаҳрида ўзининг минтақавий офисини очиши режалаштирилмоқда.

🔹 Рақамли тўлов тизимлари янгилиги
Яқин вақтларда Ўзбекистонда Apple Pay ва Google Pay тўлов тизимлари расман жорий этилади.

🔹 Трампнинг баёноти
Дональд Трамп:

“Аввалги президентлар Марказий Осиёга етарли эътибор бермаган. Биз бу хатони тузатмоқдамиз.”

🔹 Мирзиёевнинг сўзлари
Президент Шавкат Мирзиёев:

“Ўзбекистонда Сизни ‘тинчлик президенти’ деб аташади. Ишончим комилки, Россия ва Украина ўртасидаги урушни фақат Сиз тўхтата оласиз. Биз бундан умидвормиз.”

🔹 Самарқанд таклифи
Мирзиёев Марказий Осиё мамлакатлари ва АҚШ етакчиларининг навбатдаги “C5+1” саммитини Самарқанд шаҳрида ўтказишни таклиф этди.