Кремль АҚШ вакилларининг Украинанинг НАТОга аъзо бўлишини истисно этувчи баёнотига ижобий муносабат билдирди.
Бу ҳақда Россия президентининг матбуот котиби Дмитрий Песков хабар берди.
"Бу бизни мамнун этади ва Украина НАТО аъзоси бўлмаслиги ҳамда Шимолий Атлантика иттифоқи билан интегратсиялашув истиқболига эга бўлмаслиги кераклиги ҳақидаги позициямизга мос келади," - дея таъкидлади у журналистлар билан суҳбатда.
Песковнинг айтишича, бундай қадам Россиянинг миллий манфаатларига таҳдид солиши ва урушнинг сабабларидан бири бўлиши мумкин, бу ҳақда президент Владимир Путин илгари бир неча бор эътибор қаратган эди.
Муаммони ҳал этишнинг эҳтимолий муддатларига изоҳ берар экан, Кремль вакили "ҳозирча ҳеч қандай шарҳ беришни, айниқса, вақт чегаралари ҳақида гапиришни истамаслигини" айтди ва Россия томони тинч йўл билан ечим топишга очиқлигини қўшимча қилди.
Bloomberg хабар берганидек, ўтган ҳафта АҚШ амалдорлари Париждаги Европа иттифоқчиларига урушни ҳал қилиш режасини тақдим этишган. Бу режа Украинанинг НАТОга аъзо бўлишдан воз кечишини назарда тутади. Дастлаб Киев жанглар тугаганидан сўнг хавфсизлик кафолати сифатида альянсга аъзо бўлишни талаб қилган эди. Ҳозирги кунда иттифоқчилар қўллаб-қувватлашнинг бошқа шаклларини кўриб чиқмоқда.
Техас кўлида 2 метрлик маҳлуқ қўлга тушди, бу жаҳон рекорди бўлиши мумкин
"Реал"ни вақтинча ким бошқариши мумкинлиги маълум бўлди
Тож Маҳал бугунги кунда қурилганда у қанчага тушарди?
