Мунтазам тухум истеъмол қилиш Альцгеймер касаллиги хавфини деярли ярмига камайтириши мумкин. Америкалик олимлар узоқ муддатли когнитив тадқиқотда қатнашган мингдан ортиқ кекса одамларнинг маълумотларини таҳлил қилиб, шундай хулосага келишди.
Ўртача ёши 81 ёшда бўлган иштирокчилар кузатув бошида овқатланиш одатлари бўйича сўровномани тўлдиришди. 6,7 йил давомида уларнинг 27 фоизи Альцгеймер касаллигига чалинган. Бироқ, ҳафтасига камида иккита тухум истеъмол қилганлар орасида деманс ривожланиш хавфи 47 фоизга камайди. Шу билан бирга, 578 иштирокчининг ўлимидан сўнг мия отопсиси тухумни севувчиларда ушбу касалликка хос патологик белгилар камроқ эканлигини кўрсатди.
Ҳимоя таъсирининг 39 фоизи нейрон функциясини қўллаб-қувватлайдиган тухум сариғида топилган холинга боғлиқ. Холиндан ташқари, тухум омега-3 ва лутеинга бой бўлиб, улар мия саломатлиги учун ҳам муҳимдир.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
Cobalt нархи Россияда қанча?
