📍 Politico нашри маълум қилишича, АҚШ расмийлари Украинага Донецк ва Луганскни Россияга топширишни таклиф қилмоқда. Улар бу ҳудудларни “сўнгги музокара картаси” сифатида баҳолаб, Киевдан бу "козир"дан воз кечишни талаб қилмоқда.
🔹 АҚШ расмийлари таъкидлашича, Украина Донбассни барибир йўқотади ва ҳозирги музокаралар даврида уни бериш орқали катта келишувга эришиш мумкин.
🔹 Дональд Трамп ва Владимир Путин ўртасидаги Аляска учрашувидан сўнг, АҚШ президенти тинчликка эришиш учун жангларни тўхтатмасдан музокараларни давом эттиришни маъқул кўрди. Бу Зеленскийнинг ҳаракат имкониятларини чеклаб қўйди ва Донбасс масаласини музокаралар марказига айлантирди.
🛑 Украина бу таклифни рад этди. Киевнинг позициясига кўра, ҳеч қандай ҳудудий муросалар қабул қилинмайди ва Донбассни бериш Россияга келажакда ҳужум қилиш имконини яратади.
📌 Эслатиб ўтамиз, Россия Донецк, Луганск, Херсон ва Запорожье вилоятларини ҳамда Қримни тўлиқ Россия ҳудуди сифатида тан олишни талаб қилмоқда.
🇪🇺 Европа етакчилари ҳам тинчлик музокаралари олдидан жангларни тўхтатиш зарурлигини айтмоқда. Аммо Трамп буни қўллаб-қувватламаяпти.
📌 Киев тинчлик музокаралари учун биринчи навбатда оташкесим талаб қилинмоқда ва ҳудудий муаммолар фақат Украина, Россия ва АҚШ иштирокида ҳал қилиниши кераклигини таъкидламоқда.
Хитойликлар аёл ўрнини боса оладиган робот ихтиро қилди
АҚШ Россияга қурол-яроғ бўйича келишувни музокаралар учун "рағбат" сифатида таклиф этиши мумкин
"Европа менга нима дейишимни буюра олмайди..."
