Зеленский Оқ уйда бўлиб ўтган музокаралардан сўнг брифинг ўтказди

Брифингда Украина президенти томонидан берилган баёнотлар:

▪️ Урушни тугатиш учун Путин билан юзма-юз учрашишга тайёрман. Агар бу учрашув муваффақиятли ўтадиган бўлса, президент Трамп ҳам музокараларга қўшилиши мумкин;

◾️ Путиннинг мен билан учрашувга рози бўлиши номаълум, бунинг учун Қўшма Штатларнинг босими зарур. Чунки Кремл бу борада ноаниқ баёнотлар бериб, фақат музокаралар даражасини “кўтариш нияти” ҳақида хабар бермоқда;

▪️ Украина тинчлик музокараларини ўтказиш шарти сифатида ўт очишни тўхтатиш талабида туриб олмайди. Шу сабабли менимча, биз ҳеч қандай шартларсиз учрашиб, урушни тугатиш йўлида қандай имкониятлар борлиги ҳақида суҳбатлашишимиз лозим;

▪️ Украинага хавфсизлик кафолатлари бўйича тафсилотлар ўн кун ичида ишлаб чиқилади. Жумладан, Киев бу доирада мамлакат иқтисодиётини қўллаб-қувватлаш учун молиявий ёрдам олмоқчи;

▪️ Ҳудудлар масаласи бу мен билан Путин ўртасида муҳокама қилинадиган масала;

◾️ Украина Қўшма Штатлардан 90 миллиард долларлик қуроллар харид қилиш режасини тақдим этади. Бу Европа орқали амалга оширилади, АҚШ эса Украинадан дронлар сотиб олади. Бироқ бу масалада ҳали расмий келишув йўқ.