«Ўзгидромет» хизмати Тошкент вилояти Бўстонлиқ туманининг баъзи жойларида чанг бўрони кузатилишини маълум қилди.
Маълум бўлишича, 27 январь куни Ўзбекистонга Туркманистон ҳудудидан илиқ ҳаво кириб келади. Таъкидланишича, Тошкент вилояти Бўстонлиқ туманининг баъзи жойларида шамол тезлиги 17–22 метр/секундгача кучаяди.
Натижада мазкур ҳудудда чанг бўрони ва ғуборлар кузатилиши мумкин. Бу ҳарорат ва атмосфера босимининг нисбатан градиентлари вужудга келиши ҳисобига содир бўлади.
