Вазирлар Маҳкамасининг қарори билан “Ўзенергоинспекция” бошлиғига ўринбосарлар тайинланди.
Беҳзод Боходир ўғли Собиров — Ўзбекистон Республикаси Энергетика вазирлиги ҳузуридаги Электр энергияси, нефт маҳсулотлари ва газдан фойдаланишни назорат қилиш инспекцияси (“Ўзенергоинспекция”) бошлиғининг нефт ва газ масалалари бўйича ўринбосари этиб тайинланди.
Б.Собиров ушбу тайинловга қадар “Ўзенергоинспекция”нинг Тошкент шаҳар бошқармаси бошлиғи лавозимида фаолият юритиб келаётган эди.
Хуршиджон Мусажонович Эшқўзиев — Ўзбекистон Республикаси Энергетика вазирлиги ҳузуридаги Электр энергияси, нефт маҳсулотлари ва газдан фойдаланишни назорат қилиш инспекцияси бошлиғининг электр энергетикаси масалалари бўйича ўринбосари этиб тайинланди.
Х.Эшқўзиев ушбу тайинловга қадар “Ўзенергоинспекция”нинг Назорат тадбирларини мувофиқлаштириш бошқармаси бошлиғи лавозимида фаолият юритиб келаётган эди.
