2025 йил 1 мартдан бошлаб Uzcard карталаридан (5800 рақами) тўловлар тўғрисида СМС-хабарлар нархи икки баробарга ошади ва эндиликда ҳар бир хабар учун ҳисобингиздан 168,4 сўм ечилади.

Uzcard тизимида СМС-хабар бериш хизматини тақдим этувчи Play Mobile компанияси тарифларнинг ошишини харажатларнинг ошиши билан изоҳлади. Уларнинг маълумотларига кўра, 2019 йилдан бери СМС-трафик ҳажми 75 фоизга ошган, бу эса тизимни қўллаб-қувватлаш ва янгилаш учун катта харажатларга олиб келган. Дастурий таъминотни ишлаб чиқиш, инфратузилмани сақлаш ва техник ёрдам кўрсатиш харажатлари ҳам ошган.