“Ўзбекнефтгаз” АЖ бошқаруви раиси Абдуғани Сангинов Хитойнинг бир қатор етакчи нефть-газ компаниялари вакиллари билан 2026 йилда геология-қидирув, углеводородларни қидириш ва қазиб олиш соҳасидаги ҳамкорликнинг бугунги ҳолати ва ҳамкорликни ривожлантириш истиқболларини муҳокама қилди.
Бу ҳақда компания пресс-релизида маълум қилинди.
Сангинов "GR Xibu Buling Engineering Company", "China 3 National Logging", "Great Wall Drilling Company", "New Silk Road Oil and Gas" қўшма корхонаси вакиллари билан учрашди.
“Ўзбекнефтгаз” компанияси бурғулаш ва геология-қидирув ишлари самарадорлигини ошириш учун замонавий технологик ечимлардан фойдаланишга алоҳида эътибор қаратилаётгани, шунингдек, Хитойнинг сервис компаниялари иштирокида қўшма инвестиция ва ишлаб чиқариш лойиҳаларини амалга ошириш имкониятларига алоҳида эътибор қаратилаётганини алоҳида таъкидлади.
“Учрашув якунлари бўйича томонлар ишбилармонлик алоқаларини янада мустаҳкамлаш, конструктив мулоқотни давом эттириш, устувор йўналишларда ҳамкорликни босқичма-босқич ривожлантиришдан ўзаро манфаатдор эканликларини тасдиқладилар”, — дейилади хабарда.
Дунёнинг “энг обрўсиз мамлакати” номи айтилди
Тиббиёт ходимларининг иш ҳақи оширилди
Совуқ ўлкага тропик ҳарорат кириб келди
