Ўзбекистонликларга Россия учун жанг қилиш тақиқлангани яна бир бор эслатилди

Ўзбекистон Меҳнат миграцияси агентлиги хорижда меҳнат қилаётган фуқароларни қуролли можароларда қатнашмасликка яна бир бор чақиради. Бунга сабаб, урушга ёллаш ҳолатлари кўпайиб бораётгани. Украинанинг "Хочу жить" лойиҳасига кўра, ўзбекистонликлар биринчи ўринда экан. Агентлик Ўзбекистон қонунларида қуйидагилар тақиқланганини эслатиб ўтди:

▪️қуролли можаролар ва ҳарбий ҳаракатлар зоналарига яқинлашиш;
▪️ҳарбий ҳаракатларда қатнашиш;
▪️хорижий давлатларнинг қуролли кучлари, хавфсизлик хизматлари, ҳарбий адлия ёки бошқа хавфсизлик органларига кириш;
▪️шубҳали шахслар, гуруҳлар ёки ташкилотлар томонидан ёлланмага берилиш.