Ўзбекистонлик футболчи Лондоннинг энг қадимги клубида ўйнайди

Ўзбекистонлик вингер Нодирбек Бобомуродов Лондоннинг энг қадимги ҳамда дунёнинг энг қадимги жамоаларидан бири бўлган клуб сафида тўп суради. Бу ҳақда Sports.kz журналист Александр Троицкийнинг телеграм-каналига таянган ҳолда хабар бермоқда.

Бобомуродов Англия чемпионатида куч жиҳатидан еттинчи дивизионда иштирок этадиган «Крэй Уондерерс» клуби билан шартнома имзолади.

Мазкур клуб 1860 йилда ташкил этилган бўлиб, Лондондаги энг қадимги жамоа ҳисобланади. Бутун дунёда ундан фақат «Шеффилд» клуби кўпроқ тарихга эга.

Нодирбек — Англия футболи тарбияланувчиси. Фаолиятининг асосий қисмини Англиянинг пастки дивизионларида ўтказган. 2023 йили «Сурхон» клубида ўзини синаб кўрган, аммо жамоада мустаҳкам ўрин эгаллай олмаган ва ярим йилдан сўнг яна Англияга қайтган. Ўтган йилнинг охирида эса Афғонистоннинг «Аттак Энержи» клуби билан шартнома имзолаб, чемпионатда кумуш медал соҳиби бўлган. Аммо жамоа кейинчалик таркатиб юборилди.