Ўзбекистонга совуқ кунлар кириб келди, 11-13 декабрь кунлари ҳаво ҳарорати кечалари −20 даражагача пасаяди.
Хонадонларни иситишда ўзингиз ва оила аъзоларингизни ис гази ҳамда ёнғин хавфидан ҳимоя қилиш учун қуйидагиларга риоя қилинг:
➖ носоз, қўлбола иситиш мосламаларидан фойдаланманг, стандарт талабларига жавоб берадиган иситиш мосламаларидан фойдаланишда уларни ишлаб чиқарган корхонанинг йўриқномасидан фойдаланинг;
➖ иситиш печлари ва улар дудбуронларининг созлиги, қувурларнинг ҳар хил маҳсулотлар билан беркилиб қолмаганлигини кўздан кечиринг;
➖ газ плиталардан хоналарни иситиш мақсадида фойдаланманг;
➖ хонани вақти-вақти билан шамоллатиб туринг;
➖ иситиш печларини ҳаддан зиёд қиздириб юборманг;
➖ газ ускуналарни улаш тартиб қоидаларига риоя қилинг ва уларга резина шланглар орқали уланишга йўл қўйманг;
➖ ташқи ҳимоя қобиқлари шикастланган электр сим ва кабеллардан фойдаланманг;
➖ иситиш мосламалари яқинида тез ёнадиган буюмларни сақламанг.
