Ўзбекистондаги мактабларда қанча ўқитувчи дарс бераётгани маълум қилинди

Ўзбекистондаги мактабларда таълим бераётган ўқитувчиларнинг умумий сони 2024/2025-ўқув йили бошида 564,9 минг нафарни ташкил этган. Бу ҳақда Статистика агентлиги хабар берди.

Маълум қилинишича, ушбу кўрсаткич 2019/2020-ўқув йили бошига нисбатан солиштирилганда 78,3 минг нафарга ошган.

Йиллар кесимида умумий ўрта таълим ташкилотларида таълим бераётган ўқитувчилар (ўриндошларсиз) сони:

— 2019/2020-ўқув йили бошига 486,6 минг нафар;

— 2020/2021-ўқув йили бошига 508,2 минг нафар;

— 2021/2022-ўқув йили бошига 510,0 минг нафар;

— 2022/2023-ўқув йили бошига 521,6 минг нафар;

— 2023/2024-ўқув йили бошига 547,7 минг нафар;

— 2024/2025-ўқув йили бошига 564,9 минг нафар.

Маълумот учун, 2024/2025 ўқув йили бошига фаолият юритаётган умумтаълим муассасалари сони 10 943 тани ташкил этган.