Испания Трамп таҳдидидан қўрқмайди

Испания ташқи ишлар вазири Хосе Мануэл Албареснинг айтишича, мамлакат АҚШ президенти Доналд Трампнинг икки томонлама савдо алоқаларини узиш ҳақидаги таҳдидларидан қўрқмайди.

Унинг сўзларига кўра, савдо масалалари Брюссел томонидан белгиланади ва АҚШнинг Испанияга қарши чоралари бефойда бўлади. Испания мустақил ва суверен давлат бўлиб, ўз қарорларини эркин қабул қилади.

Шунингдек, вазир икки АҚШ базаси мавжудлигини таъкидлади: улар Испания суверенитети остида ва биргаликда фойдаланиш учун мўлжалланган.