Ўзбекистонда пулли йўллар учун қонун қабул қилинмоқда

Олий Мажлис Қонунчилик палатаси депутатлари "Автомобил йўллари тўғрисида"ги қонун лойиҳасини маъқуллаб, Сенатга юборди.

Лойиҳада:
➖ йўлларни режалаштириш механизми жорий этилади;
➖ аҳоли фикри ва атроф-муҳит омиллари инобатга олинади;
➖ пиёдалар учун тўсиқсиз муҳит яратилади;
➖ коммуникация ишларидан сўнг йўлни тиклаш харажатлари қопланади;
➖ оғир транспорт ҳаракати тартибга солинади;
➖ хизмат кўрсатиш объектларини жойлаштириш талаблари белгиланади.

Қонун билан пулли йўллар тармоғини яратишга ҳуқуқий асос берилади. Пулли йўллар фақат муқобил бепул йўл мавжуд бўлган ҳолда қурилади ва тўлов миқдори иқтисодий жиҳатдан ўзини оқлаши керак.