Ўзбекистонда ноқонуний ҳаж ва умра сафарини ташкил этган 19 та сайёҳлик фирмаси жаримага тортилди

Ўзбекистонда ҳаж ва умранинг ноқонуний ташкил этилишининг олдини олишга қаратилган текширувлар ўтказилди.

Натижада, сўнгги икки ой ичида тегишли лицензияга эга бўлмаган 19 та сайёҳлик компанияси жаримага тортилди.

Бундан ташқари, реклама тўғрисидаги қонун ҳужжатлари бузилганлиги сабабли бешта компания бўйича материаллар монополияга қарши қўмита ва ҳуқуқни муҳофаза қилиш органларига кўриб чиқиш учун топширилди.

Зиёрат қилишни режалаштирган фуқароларга сайёҳлик агентлиги дин ишлари бўйича Қўмитанинг расмий лицензиясига эга эканлигига олдиндан ишонч ҳосил қилиш тавсия этилади.