Ҳукумат қарори билан маҳаллий авиақатновларни амалга оширувчи барча резидент авиакомпанияларга субсидия ажратиладиган бўлди. Бу ҳақда Транспорт вазирлиги матбуот хизмати хабар берди.
Вазирлар Маҳкамасининг “Минтақавий авиаташувларни ва ички туризмни янада такомиллаштириш бўйича қўшимча чора-тадбирлар тўғрисида”ги қарорига кўра, маҳаллий йўналишлардаги авиақатновларга Uzbekistan Airways учун белгиланган махсус тарифлар ва субсидия миқдорлари барча резидент авиакомпанияларга татбиқ этишга розилик берилди.
Авиачипталар нархлари ҳамда субсидияланадиган авиақатнов йўналишларини субсидиялаш миқдорини белгилаш бўйича махсус комиссия таркиби қайта тасдиқланди. Комиссия 6 кишидан иборат бўлиб, унга экология, атроф-муҳитни муҳофаза қилиш ва иқлим вазири Азиз Абдуҳакимов раислик қилади.
Махсус комиссия — субсидияланадиган авиақатновлар чипталари ва авиқатнов йўналишларини ҳамда ижтимоий аҳамиятга эга бўлган маҳаллий йўналишларни белгилаш бўйича комиссия.
Шу муносабат билан барча резидент авиакомпаниялар махсус комиссия томонидан белгиланган маҳаллий йўналишлар ва тарифлар доирасида авиачипта сотишни йўлга қўйиш ҳамда ҳар ой якуни бўйича Транспорт вазирлигининг 2021 йил 14 октябрдаги 188-сон буйруғи билан тасдиқланган жадвал шаклида Транспорт вазирлигига субсидиялаш учун аризалар киритиши мумкин.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
“Ота-онам мен билан гаплашмайди…” Блогер Марям Тиллаева шахсий ҳаёти ҳақида интервью берди
