Ўзбекистонда кўнгилли пахта терувчилар учун "terim.uz" сайти ишга тушди

"Terim.uz" сайти орқали ҳар бир кўнгилли қайси ҳудудда пахта термоқчи эканини маълум қилиши мумкин. Бу ҳақда Бандлик ва меҳнат муносабатлари вазири ўринбосари Баҳодир Умрзоқов АОКАда ўтказилган матбуот анжуманида маълум қилди.

“Интернетда terim.uz сайтини очдик. Ҳар бир кўнгилли ушбу сайтга кириб, қайси ҳудудда пахта термоқчи эканлигини онлайн тарзда маълум қилишлари мумкин. Ёлланма терувчи ким? У қайси талабларга мувофиқ ишлаши лозим? Иш берувчи ким? Уларнинг вазифалари ва масъулияти қандай? Ушбу масалалар бўйича махсус низом ишлаб чиқилди. Бу — тарихда илк бор” дейди Баҳодир Умрзоқов.