Ўзбекистонда 2030 йилгача иқтисодиёт ҳажми 2 баробар оширилади ва “даромади ўртачадан юқори бўлган давлатлар” қаторига киради
“Ўзбекистон – 2030” стратегиясига кўра:
➖ЯИМ ҳажми 160 миллиард долларга ва аҳоли жон бошига даромадлар 4 минг долларга етказилади.
➖Макроиқтисодий барқарорлик ҳамда иқтисодий ривожланиш энергетика, сув ва инфратузилма ресурслари билан ўзаро боғлиқлиги таъминланган ҳолда, ЯИМнинг ўртача йиллик 6-7 фоиз даражасида ўсиш суръати сақланади.
➖Товарлар ва хизматлар бозори мувозанатини таъминлаш орқали йиллик инфляция даражаси 5-6 фоиздан ошмаслиги таъминланади.
➖Иқтисодиётда трансформация ва институционал ислоҳотлар изчил давом эттирилади, мамлакатда қулай инвестицион ва ишбилармон муҳит таъминланади ҳамда мувозанатлашган пул-кредит сиёсати амалга оширилади.
➖Давлат қарзининг ЯИМга нисбати 50 фоиздан ошмаслиги учун ўрта муддатларга мўлжалланган давлат қарзини бошқариш стратегияси амалга оширилади.
➖Иқтисодиёт тармоқларида юқори технологияларга асосланган корхоналарнинг улуши кескин оширилади, иқтисодий ўсишнинг янги “драйвер”лари ишга солинади.
