Ўзбекистон ва Афғонистон “Термиз-Пешовар” темир йўл лойиҳасини муҳокама қилди

Лойиҳани Ўзбекистон инвестициялар ва ташқи савдо вазири Сардор Умурзоқов ва “Толибон”* ташқи ишлар вазири в.б. Амирхон Муттаки онлайн музокараларда кўриб чиқишди.

Умурзоқов Тошкент бу масала бўйича якуний йиғилиш ўтказишга тайёрлигини билдирди, деб хабар қилди @sputnikaf.

Толиблар ўз навбатида тез орада ҳамкорларга маршрутнинг якуний вариантини тақдим этишга ваъда берди.

Шунингдек, ўзаро савдо, транзит ва транспорт алоқаларини кенгайтириш истиқболлари муҳокама қилинди.