Ўзбекистон ташқи ишлар вазири Гуанчжоу шаҳрида Хитой компанияси ва Жанубий тиббиёт университети раҳбарияти билан учрашди

Гуанчжоу шаҳрида бўлиб турган Ўзбекистон ташқи ишлар вазири Бахтиёр Саидов кеча Хитойнинг «BGI Group» компанияси ва Жанубий тиббиёт университети раҳбарияти билан учрашув ўтказди, деб хабар бермоқда «Дунё».

«Хитойнинг «BGI Group» компанияси ва Жанубий тиббиёт университети билан биргаликда бўлажак ҳамкорлигимизнинг таълимдан тортиб фармацевтикагача бўлган соҳалардаги бир қатор истиқболли йўналишларини муҳокама қилдик, - деб ёзди Ўзбекистон ТИВ раҳбари ўзининг telegram каналида. - Кадрлар салоҳиятини ошириш ва технологиялар алмашинуви эътиборимиз марказида бўлди».