Ўзбекистон Европа Иттифоқи билан Жаҳон савдо ташкилотига (ЖСТ) аъзо бўлиш бўйича икки томонлама музокараларни расман якунлади. Бу ҳақда президентнинг ЖСТ бўйича махсус вакили Азизбек Урунов ўз саҳифасида маълум қилди.
«Ушбу муҳим воқеа Европа Иттифоқига аъзо 27 давлат билан бозорга чиқиш масалалари, жумладан, экспорт ва импорт божлари бўйича имтиёзлар, шунингдек, хизматлар соҳасида музокаралар муваффақиятли якунланганидан далолат беради», — деб ёзган у.
Азизбек Урунов ЕИ Ўзбекистон ЖСТга аъзо бўлиш доирасида икки томонлама музокараларни якунлаган 31-томон эканлигини қайд этган.
«Бир ҳафта олдин Панама билан шартнома имзолаган эдик. Шу боис ҳозирда 31 давлат билан музокаралар якунланди, 3 таси қолди», — деди у.
Эслатиб ўтамиз, сентябрь ойи ўрталарида Ўзбекистон Жаҳон савдо ташкилотига аъзо бўлиш доирасида Аргентина, Австралия ва Гондурас билан бозорга чиқиш протоколларини имзолаганди.
Тошкентда бўлажак куёв қизни алдаб, ҳовлисини сотиб юборгани юзасидан расмий маълумот берилди
Россия қамоғига ташланган ўзбек жамияти раҳбари озод қилинмайдиган бўлди
Кремл Трампнинг “фронт чизиғини музлатиш” ҳақидаги баёнотларига изоҳ берди
