Ўзбекистондаги мобил интернет тезлиги августга нисбатан бир поғона яхшиланган бўлиб, ўртача юклаб олиш тезлиги 23,63 Мбит/с, юклаш тезлиги эса 12,6 Мбит/с ни ташкил қилган.
Дунёда энг тез мобил интернет Бирлашган Араб Амирликларида қайд этилган. У ерда сентябрь ойида юклаб олиш тезлиги 211,58 Мбит/с, юклаш тезлиги эса 22,02 Мбит/с. Қатар иккинчи, Хитой эса учинчи ўринда.
Марказий Осиё давлатлари орасида Қозоғистон сентябрь ойида мобил интернет тезлиги бўйича биринчи ўринни эгаллади (умумий рейтингда 66-ўрин). Қирғизистон иккинчи (88-ўрин), Ўзбекистон учинчи (100-ўрин), Тожикистон тўртинчи (136-ўрин) бўлди.
Бу сентябрь ойидаги таҳлил бўлиб, унда 141 мамлакат интернет кўрсаткичи ҳисобланган.
