Россия ҳарбийлари ва тарғиботчилари украиналик ракета ишлаб чиқувчиларни нишонга олди

Украина президенти Москва ўз зарбаларининг — ҳам "жисмоний", ҳам ахборот ҳуружи сифатида украиналик ракета ишлаб чиқувчиларни нишонга олганини айтди.

"Шунингдек, Россиянинг Украинага келгуси зарбалари — ҳарбий, сиёсий ва тарғиботий йўналишлардаги асосий нишонларидан бири сифатида ракета технологияларининг барча турларини ривожлантиришда ютуқларга эришаётган Украина компаниялари танланганидан хабардормиз", — деди Зеленский.

"Россия буни ўзи учун стратегик таҳдид сифатида кўрсатмоқда — Киевнинг ўзига хос баллистик тизимини ишлаб чиқиш ва антибаллистик мудофаани маҳаллийлаштириш қобилияти. Биз бунга жавоб қайтарамиз", — дея қўшимча қилди у

Украина шаҳарларига тунда берилган ҳужумдан сўнг, Россия Мудофаа вазирлиги, хусусан, Днепрдаги зарбалар нишонларидан бири "Fire Point" компанияси корхонаси бўлганини маълум қилди.

Ушбу компания раҳбариятининг баёнотларига кўра, улар ракеталар ишлаб чиқиш билан шуғулланади. Киев россияликларнинг бу баёнотига изоҳ бермади ва Днепрда ҳарбий ёки ҳарбий-саноат объектларига зарар етгани ҳақида ҳеч нарса демади.