Ўзбекистон миллий терма жамоаси устози ўзининг севимли мураббийи ким эканлигини айтди

Италия терма жамоасининг собиқ футболчиси, ҳозирда Ўзбекистон миллий жамоаси бош мураббийи Фабио Каннаваро Туриннинг "Ювентус" клубининг 2025/2026 йилги мавсумда Италия чемпиони бўлиш имкониятлари ҳақида фикр билдирди.

"Кекса синьора" ҳозир асосий рақобатчиларидан ортда қолмоқда, аммо Скудетто учун курашдан чиққани йўқ. Ҳозир уларда ажойиб бош мураббий бор. Лучано Спаллетти менга доим ўз иши билан завқ бағишлайди. Ундан ўрганадиган нарса борлиги аниқ. Бу менинг севимли мураббийим," - дея мутахассиснинг сўзларини келтиради Tuttosport.

Италия чемпионатининг 15-туридан кейин "Ювентус" 26 очко жамғариб, турнир жадвалида бешинчи ўринда бормоқда. Спаллетти шогирдлари пешқадам "Интер"дан 7 очко ортда қолмоқда.