Ўзбекистон кубоги чорак финал жуфтликлари маълум бўлди

Ўзбекистон кубогининг чорак финал босқичига қуръа ташланди. Бугун, 17 сентябрь куни ўтказилган қуръа натижасида навбатдаги босқич жуфтликлари аниқланди.

Чорак финалда "Нефтчи" "Локомотив" билан тўқнаш келади. "Сўғдиёна" эса "Андижон"га қарши майдонга тушади. Қолган икки жуфтликда ОКМК "Гулистон" билан, "Навбаҳор" эса "Ғазалкент" билан баҳс олиб боради.

Чорак финал жуфтликлари:

"Нефтчи" — "Локомотив"
"Сўғдиёна" — "Андижон"
ОКМК — "Гулистон"
"Навбаҳор" — "Ғазалкент"

Шунингдек, ярим финал йўли ҳам маълум бўлди. "Нефтчи" — "Локомотив" учрашуви ғолиби "Сўғдиёна" — "Андижон" баҳсида ғалаба қозонган жамоа билан куч синашади.

Иккинчи ярим финал йўлланмаси учун эса ОКМК — "Гулистон" жуфтлиги ғолиби "Навбаҳор" — "Ғазалкент" учрашувида зафар қучган жамоага қарши майдонга тушади.

Ўзбекистон кубогининг ушбу босқич учрашувларини октябрь ойида Тошкент шаҳрида марказлаштирилган тартибда ўтказиш режалаштирилган.