Ўзбекистон камончилари Осиё кубогида олтин медални қўлга киритди

Таиланднинг Бангкок шаҳрида камондан отиш бўйича Осиё кубогининг I босқичи ўз ниҳоясига етди.

Камондан отиш бўйича Ўзбекистон аёллар терма жамоаси Осиё кубогида олтин медални қўлга киритди.

Мусобақанинг саралаш босқичида қизларимиз БАА, Ҳиндистон, Япония каби кучли жамоаларни мағлуб этишди.

Финалда эса малайзиялик мерганлар 5:3 ҳисобида доғда қолдирилди.

Турнирда Зиёдахон Абдусатторова, Нилуфар Ҳамроева, Жасмина Нурманова ва Омина Эргашева юртимиз шарафини муносиб ҳимоя қилди.