Ўзбекистон Президенти Шавкат Мирзиёев Жаҳон савдо ташкилотига аъзо бўлиш бўйича режаларни кўриб чиқди, деб хабар беради Kazinform.
Бугунги кунга қадар Ўзбекистон томони ЖСТга аъзо бўлиш бўйича 33 давлат билан музокаралар олиб борди ва 24 давлат билан тегишли шартномалар тузди.
Айни пайтда миллий қонунчиликни ташкилот стандартларига мослаштириш ишлари олиб борилмоқда. Жумладан, 13 та қонун, 10 та Президент фармон ва қарори, 19 та Вазирлар Маҳкамасининг қарори, 10 та идоралараро норматив-ҳуқуқий ҳужжатлар қабул қилинди.
Учрашувда Шавкат Мирзиёев ЖСТга аъзо бўлиш жараёнини тезлаштириш бўйича топшириқлар берди.
“Президент йил охиригача қолган 9 давлат билан икки томонлама музокараларни якунлаш ва ишчи гуруҳнинг яна иккита йиғилишини ўтказиш вазифасини қўйди. Иш юзасидан якуний ҳисобот кейинроқ тайёрланади”, – дейилади Ўзбекистон Президенти матбуот хизмати хабарида.
Исроил Эронга зарба берганидан кейин нефт нархи кўтарилди ва яна кўтарилиши мумкин
“Миллий брендлар орқали глобал бозорга: Сирдарёда тадбиркорларнинг ҳуқуқлари ва бизнес имкониятлари” ҳозирги кунда қандай?
Хитой ҳукумати тўфон оқибатларини бартараф этиш учун 40 миллион юань ажратди
