Ўзбекистон дунё иқтисодий эркинлик индексида 6 поғона юқорилади

Ўзбекистон “Иқтисодий эркинлик индекси – 2024” рейтингида 184 та мамлакат орасида 55,9 балл билан 103-ўринни эгаллади ва иқтисодиёти эркин бўлмаган мамлакатлар рўйхатидан жой олди. Ўтган йилга қараганда фискал саломатлик (-13,2 балл) ва давлат харажатлари (-4,5 балл) масаласида аҳвол сезиларли даражада ёмонлашган.

Heritage Foundation тадқиқот маркази “Иқтисодий эркинлик индекси – 2024” ҳисоботини эълон қилди.

Унда Ўзбекистон 184 та мамлакат орасида 55,9 балл билан 103-ўринни эгаллаган. Сўнгги ҳисоботга кўра, мамлакат рейтинги 0,6 баллга ёмонлашган бўлса-да, 6 поғонага юқорилаган ва иқтисодиёти эркин бўлмаган мамлакатлар гуруҳидан жой олган.