Uzbekistan Airways йўловчи самолёти Россия ҳудудига учиб кира олмади ва Тошкентга қайтди

Россиянинг айрим аэропортларида ҳаво кемаларини қабул қилиш бўйича вақтинчалик чекловлар киритилгани сабабли, Ташкент ва Термиздан учиб кетган иккита рейснинг бажарилишига ўзгартиришлар киритилди. Бу ҳақда Uzbekistan Airways матбуот хизмати хабар бермоқда. Хусусан: • HY603 Тошкент — Москва (Домодедово) қатнови учиб кетиш аэропортига — Тошкентга қайтмоқда. HY604 қайтиш қатновининг парвози ҳам кечиктирилади; • HY9609 Термиз — Москва (Внуково) қатнови Санкт-Петербургдаги захира аэродромига йўналтирилди. HY9622 Внуково — Андижон ва HY9621 Андижон — Внуково қатновлари парвозларининг кечиктирилиши кутилмоқда. Қатновларнинг келгусида бажарилиши тўғрисидаги маълумотлар қўшимча равишда хабар қилинади.