“Uzbekistan Airports”нинг 6,8 млрд сўмлик хариди бекор қилинди

“Uzbekistan Airports” АЖ буюртмаси билан ўтказилган 6,8 млрд сўмлик “боди-камераларни етказиб бериш, ўрнатиш ва ишга тушириш хизмати” бўйича давлат харидида қатор қонунбузилишлар аниқланди.

Ўрганиш давомида, таклифлар тўлиқ ва холис баҳоланмагани,
ўзаро аффилланган шахслар иштирок этгани, баҳолаш жараёнида хатоликларга йўл қўйилгани тасдиқланди.

Коррупцияга қарши курашиш агентлиги тақдимномаси асосида харид комиссиясининг ғолибни аниқлаш ҳақидаги баённомалари бекор қилинди ва ноқонуний давлат харидининг олди олинди.

Жамланган ҳужжатлар қонуний чора кўриш учун ҳуқуқни муҳофаза қилувчи органларга юборилди.