Тошкентда “Мусодара товарлар” канали маъмури ушланди

Тошкент шаҳрининг Миробод туманида Telegram ва Instagram орқали фирибгарлик билан шуғулланган шахс қўлга олинди.

Божхона қўмитаси маълум қилишича, 18 ёшли фуқаро “Мусодара товарлар” номли Telegram канали ва ижтимоий тармоқ саҳифаси орқали мусодара қилинган товарларни арзон нархда сотиш ҳақида сохта эълонлар бериб келган.

У ишонч қозониш учун расмий логотиплар ва сохта ҳужжатлардан ҳам фойдаланган.

Тезкор тадбир давомида у ҳуқуқни муҳофаза қилувчи органлар томонидан ушланган. Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.