Бу ҳақда Associated Press хабар берди. Ҳуқуқ ҳимоячилари, БМТ вакиллари, Украина расмийлари ва ўнлаб украиналик аскарларнинг жасадларини отопсия қилган украиналик суд-тиббиёт экспертига кўра, маҳбусларнинг кўпчилигининг ўлимига қамоқдаги шафқациз муносабат сабаб бўлган.
Украина расмийларининг айтишича, Россия томонидан асирга олинган украиналикларнинг парчаланган ёки чириган жасадларини тез-тез топшириши Москванинг Россия ва босиб олинган ҳудудлардаги қамоқхоналар ва ҳибсхоналардаги қийноқлар, маҳбусларнинг очлик ва тиббий ёрдамнинг ёмонлигини яширишга уринаётганидан далолат беради.
Киев асирга олинган аскарларга нисбатан ёмон муносабатда бўлгани учун Москвага қарши Халқаро жиноий судга ҳарбий жиноятларда айблов қўйишни режалаштирмоқда. Далиллар орасида асирликдан қайтган аскарларнинг кўрсатмалари, шунингдек, марҳумларнинг жасадларини отопсия қилиш натижалари бўлади.
Бирлашган Миллатлар Ташкилотининг 2024 йилги ҳисоботида асирликдан озод этилган украиналик аскарларнинг 95 фоизи мунтазам қийноқлар ва шафқациз муомалаларга дучор бўлганлиги аниқланган. Уларни калтаклашди, бўғишди, зўрлашди, зарба беришди, "стресс позицияларида" туришга мажбур қилишди ва уйқудан маҳрум қилишди.
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
Элдор Шомуродовнинг янги жамоаси маълум. У Италиядан кетмоқда
