“Ўзбектелеком” акциядорлик компаниясида “Коррупциявий ҳаракатлар учун интизомий ва жиноий жавобгарлик” мавзусида ўқув семинар ташкил этилди. Тадбирда Компаниянинг ижроия аппарати, Тошкент шаҳри ҳамда барча ҳудудий филиалларда фаолият юритаётган раҳбар ходимлар иштирок этди.
Семинар давомида Ўзбекистон Республикаси Президенти ҳузуридаги Давлат бошқаруви академиясининг “Давлат тузилиши ва бошқарувининг ҳуқуқий асослари” кафедраси профессори, юридик фанлар номзоди Шавкат Асадов томонидан коррупция тушунчаси, унинг турлари, оқибатлари ҳамда олдини олиш бўйича мавжуд норматив-ҳуқуқий асослар батафсил ёритилди. Шунингдек, сўнгги йилларда мамлакатимизда коррупцияга қарши курашиш борасида амалга оширилаётган тизимли ислоҳотлар, жорий этилган янгиликлар ҳамда амалий механизмлар ҳақида ҳам маълумот берилди.
Тадбирда таъкидланганидек, бу каби семинарлар коррупциявий хавфларнинг олдини олиш, ходимларнинг бу борадаги ҳуқуқий онг ва масъулиятини ошириш, шу билан бирга корпоратив бошқарувда очиқлик ва шаффофликни таъминлашда муҳим аҳамият касб этади. Мазкур семинар ҳам раҳбар ходимларнинг ҳуқуқий саводхонлигини ошириш ҳамда коррупциянинг олдини олиш бўйича амалий билимларини мустаҳкамлашга хизмат қилади.
Семинар якунида иштирокчилар мавзу бўйича ўзларини қизиқтирган саволларга мутахассислардан атрофлича жавоб олишди.
Каспий денгизи иккига ажралиши мумкин
Тошкент вилояти ва Тошкент шаҳрида "ерфурушлар" қўлга тушди
Тиббиёт ходимаси вафоти учун 795 миллион сўм тўлаб берилди
