Президентнинг 14 августдаги қарори билан халқ таълими тизимидаги педагог ходимларга автотранспорт воситалари сотиб олиш учун махсус жамғарма ҳисобидан кредитлар бериш тартиби ўрнатилди.
Бунда кредит қуйидаги шартларда берилади:
кредит муддати – 1 йил имтиёзли давр билан 5 йил;
дастлабки бадал суммаси – сотиб олинаётган автотранспорт воситаси қийматининг 25 фоизи; кредит учун фоиз ставкаси – Ўзбекистон Республикаси Марказий банкининг қайта молиялаштириш ставкасидан кўп бўлмаган миқдорда (ҳозирда 14 фоиз).
Ушбу шартларда кредит олиш ҳуқуқига эга педагоглар рўйхати Халқ таълими вазирлиги томонидан шакллантирилади.