Ўлим водийсида рекорд қайд этилди

Миллий боғлар хизмати (NPS) маълум қилишича, Ер юзидаги энг иссиқ жой - Ўлим водийси июль ойида рекорд даражадаги энг иссиқ ойни қайд этди.

Жума куни эълон қилинган баёнотда , НПС паркда ўртача 24 соатлик ҳарорат 108,5 F (42,5 C) бўлганлигини ва бу ўз навбатида 2018 йилда ўрнатилган 108,1 F (42,3 C) олдинги рекордни ортда қолдирганини аниқлади.

Июль ойида Ўлим водийсида ўртача юқори ҳарорат 121,9 F (49,9C) эди.

Ўтган ойдаги энг юқори ҳарорат 7 июлда содир бўлган, ўшанда Фурнаcэ Cреэкдаги об-ҳаво станцияси 129,2F (54C) ни қайд этган.

“Биз яқиндагина Ернинг энг иссиқ жойида тарихдаги энг иссиқ ойнинг гувоҳи бўлдик! Энг иссиқ 10 та ёздан олтитаси сўнгги 10 йил ичида юзага келди. Бу огоҳлик қўнғироғи бўлиши керак", деди парк бошлиғи Майк Рейнолдс.

Парк расмийлари Ўлим водийсига бораётган саёҳатчиларни кондиционерли машинадан 10 дақиқалик йўлдан узоқлашмасликка, кўп сув ичишга, шўр газаклар истеъмол қилишга, шляпа кийишга ва қуёшдан ҳимояловчи крем суришга чақирмоқда.