Украинада ўт очишни тўхтатиш тўғрисидаги келишувга шу ҳафта охирида эришилиши мумкин — Фридрих Мерц

Германиянинг янги канцлери Фридрих Мерцнинг фикрича, Россия ва Украина яқин икки кун ичида ўт очишни тўхтатиш бўйича келишувга эриши мумкин.

"Умид қиламанки, шу ҳафта охирида Украинада ўт очишни тўхтатиш тўғрисида келишувга эришилади. Россия бир томонлама эълон қилган уч кунлик сулҳни ҳисобга олган ҳолда, унинг 30 кунгача узайтирилиши эҳтимоли катта ва шундан сўнг тинчлик келишуви бўйича музокаралар бошланиши мумкин", — деди Мерц Брюсселдаги матбуот анжуманида.