Украина ва Россия Қатар воситачилигида бир-бирининг энергетика инфратузилмасига зарбаларни тўхтатиш бўйича «дастлабки музокаралар»ни олиб бормоқда, деб ёзди Финанcиал Тимес дипломатик манбаларга таяниб.
Газета суҳбатдошларидан бирининг айтишича, гап «бирор нарсани қайта тиклаш имконияти бўйича жуда эрта босқичдаги музокаралар» ҳақида бормоқда.
Москва ва Киев разведка хизматлари томонидан эришилган келишув доирасида сўнгги ҳафталарда улар бир-бирининг энергетика инфратузилмасига ҳужумлар сонини аллақачон қисқартирган, деб хабар берди нашрга Украина юқори мартабали амалдори.
Музокаралардан хабардор бўлган Кремлнинг собиқ юқори мартабали амалдори ФТга Россия президенти Владимир Путиннинг Россия қўшинлари Украина армиясини Курск вилоятидан сиқиб чиқармагунча келишувга рози бўлиши даргумонлигини айтди. Украина расмийининг сўзларига кўра, айни пайтда Москва музокараларни бошлашга мажбур қилиш учун Россиядаги нишонларга, жумладан, нефтни қайта ишлаш заводларига зарба беришни давом эттиришни режалаштирмоқда.
ФТ маълумотларига кўра, ўтган йилнинг кузида Киев ва Москва бир-бирининг энергия объектларига зарба бермаслик бўйича «яширин келишув»га эришганди. Бироқ Украина дронларининг Россия нефть объектларига ҳужумлари туфайли Москва бу келишувларни бузилган деб ҳисоблади.
Алишер Усмонов номзодини 103та давлат қўллаб-қувватлади
Россия Украина ҳудудини «рекорд тезликда» эгаллаб олди
Россия Эронни огоҳлантиргани маълум бўлди
