Украина учун хавфсизлик кафолатлари АҚШ Исроилга берган кафолатлар каби бўлишини хоҳлаймиз — Владимир Зеленский

Украина президентининг бошқа баёнотлари:

◾️ Украина хавфсизлик кафолатларини тақдим этувчи давлатлар орасида Хитойнинг бўлишини хоҳламайди. Пекин 2022 йилда Россиянинг Украинага босқинини тўхтатишга ҳеч қандай ҳаракатни амалга оширмаган ва 2014 йилда Россия Қримни ўз таркибига қўшиб олганида ҳам ҳеч нарса қилмаган;

◾️ АҚШ президенти Доналд Трампнинг фикрича, 2014 йилда Қримдан чиқиш Украинанинг катта хатоси бўлган;

◾️ Украина Донецк вилоятидан чиқиб кета олмайди. Агар бундай қилсак, Харков ва Днепрга йўлларни йўл очиб берган бўламиз;

◾️ Донбассни тўлиқ эгаллаб олиш учун Россияга яна камида 4 йил керак бўлиши мумкин;

◾️ Украина ҳудудларни алмашиш бўйича нимага тайёр эканлиги ҳақида фақат Россиянинг талаблари аниқ ва тушунарли бўлгач гапириш мумкин;

◾️ Украина ўз ҳудудларининг Россия томонидан босиб олинишини ҳуқуқий жиҳатдан ҳеч қачон тан олмайди;

◾️ Мен Украинада сайловлар ўтказилишидан мамнун бўлардим;

◾️ Путин билан учрашувимизга тайёргарлик кўрилмоқда. Кейинги 7-10 кун ичида Украина Қўшма Штатлардан хавфсизлик кафолатлари архитектураси бўйича маълумот олишни хоҳлайди;

◾️ Россияликлар Суми ва Харков вилоятларини босиб ололмайди. Яна бир неча ойдан кейин Сумида россиялик аскарлар қолмайди;

◾️ Украинанинг 3 минг километргача уча оладиган “Фламинго” ракетасининг оммавий ишлаб чиқарилиши келаси йил бошида бошланиши кутилмоқда.