Бугунги кунда юртимизда “inbound” ва “outbound” туризмни ривожлантиришга алоҳида эътибор қаратилмоқда. Хусусан, минтақавий туризмни ривожлантиришда туризм бозори муҳим ўрин тутади. Минтақавий туризм бозорининг асосий объектларидан бири – туристик хизматлар ҳисобланади. Ўзбекистонда минтақавий туризм соҳасини ривожлантиришни мақсад қилар эканмиз, буни амалга оширишга минтақавий жиҳатдан ёндашиш мақсадга мувофиқдир. Айни шу мақсад йўлида бугун юртимизда қатор давлатлар билан ўзаро сайёҳлик алмашинувини оширишга қаратилган кенг қамровли ишлар олиб борилмоқда.
"R-Travel & Тоurs" Ўзбекистон шўбасининг очилиши ҳам айнан бу борада олиб борилган ишларнинг бир кўриниши дейиш мумкин. Ўзбекистонлик сайёҳларни Озарбайжоннинг тарихи, маданияти ва умуман сайёҳлик жозибаси билан таништирадиган ушбу шоъбанинг фаолияти ўзаро сайёҳлар алмашинувида муҳим йўналишлардан бирига айлантириш кўзда тутилган.
"SFS Global Trade” ва "R-Travel & Тоurs" ҳамкорлиги доирасида пойтахтимиздаги "Бентлей" меҳмонхонасида "R-Travel & Тоurs" Ўзбекистон шўбасининг тақдимот тадбири ўтказилди. Тадбирда Ўзбекистоннинг 24 та Туризм агентлигидан менежерлар, шунингдек журналистлар, медиа ходимлари иштирок этдилар. Тадбирни "R-Travel & Тоurs" турагентлигининг таъсисчиси Абулфат Ҳусайнов, директори Ойнур Аллазова ва "SFS Global Trade” идора ҳайъати раиси Сардор Кескин очиб беришди.
Ўзбекистондаги Ҳайдар Алиев номидаги Озарбайжон Маданият Маркази директори Самир Аббосов, Ўзбекистон туризм вазирлиги вакили Сардор Ҳакимов, Озарбайжон Республикасининг Weydnam меҳмонхонаси Туризм директори Умар Шоҳин, Бентлей меҳмонхонаси директори Метин Айдин ҳам махсус меҳмон сифатида иштирок этиб, ўз сўзларида ушбу шоъбанинг очилиш аҳамияти ҳақида фикр мулоҳазаларини билдирдилар.
Ушбу дўстона тарзда ташкил этилган тадбир учрашувида Ўзбекистондаги қатор сайёҳлик компаниялари вакиллари ўъзларини қизиқтирган саволларга жавоб олишди.
Мазкур тадбир йиғилганлар учун "Р-Травел & Тоур"нинг фаолияти билан яқиндан танишиш, маълумот олиш ва шунингдек, ўз таклиф ва мулоҳазаларини билдириш имконини берди.