Украина ТИВ Қора денгиздаги кемаларга уюштирилган ҳужумда Россияни айблади

Украина Қора денгизда Болгария қирғоғида иккита кемага дрон ҳужуми уюштирилганидан сўнг, халқаро ҳамкорларини Россияга босимни кучайтиришга чақирди.

Украина ташқи ишлар вазири Андрий Сибига бу ҳақда ижтимоий тармоқ саҳифасида маълум қилди.

Сибига тижорат кемаларига қилинган ҳужум Россия Қуролли Кучлари томонидан амалга оширилганини ва экипаж аъзолари орасида Украина фуқаролари ҳам борлигини маълум қилди.

"Россиянинг Болгария ҳудудий сувлари яқинида тижорат кемаларига сўнгги ҳужуми, натижада Украина ва Озарбайжон фуқаролари ҳалок бўлди, бу яна бир бор Москванинг Қора денгизда тинч аҳоли ҳаёти ва денгиз хавфсизлигига атайлаб бепарволигини намойиш этади", деди у.

Украина ташқи ишлар вазири "санксияларни кучайтиришга ва Москвани жавобгарликка тортиш ва навигация эркинлигини ҳимоя қилиш учун қатъий чоралар кўришга" чақирди. Унинг қўшимча қилишича, Қора денгиз глобал озиқ-овқат хавфсизлиги учун муҳим йўл ҳисобланади.

Шуни таъкидлаш керакки, Болгария бош вазири Румен Радев Қора денгизда дронлар иккита кемага ҳужум қилганини, улардан бири чўкиб кетганини эълон қилди. Кемалардан бирининг экипаж аъзолари орасида саккиз нафар Озарбайжон фуқароси ҳам бор эди.