"Киев бу ташаббус орқали айнан шу куни Москвада ўтказиладиган анъанавий Ғалаба байрами парадига жавобан Европа Иттифоқининг Украинага нисбатан қўллаб-қувватлашини намойиш этмоқчи", деб хабар бермоқда нашр.
Politico маълумотларига кўра, Украина Ташқи ишлар вазири Андрей Сибига душанба куни Люксембургда бўлиб ўтган йиғилишда Евроиттифоқдаги ҳамкасбларига расмий таклифни тақдим этди. Сибига уларни "Иккинчи жаҳон урушидан бери Европадаги энг йирик тажовузга қарши бирлик ва қатъиятни намойиш қилишга" чақирди.
Сибиганинг сўзларига кўра, Украина президенти Володимир Зеленский май ойида “хоҳловчилар коалицияси” етакчилари билан алоҳида учрашув ўтказишни хоҳламоқда. Учрашувда, Россия билан ўт очишни тўхтатиш бўйича келишувга эришилса, Украинанинг хавфсизлиги учун кафолатлар муҳокама қилиниши режалаштирилган.
Politico нашрининг икки дипломатик манбага таяниб ёзишича, май ойи бошларида Европа давлатлари раҳбарларининг Украинага ташрифи бўйича музокаралар бошланган. Улар орасида Германиянинг бўлажак канцлери Фридрих Мерц ҳам бор. Мерц май ойида канцлер лавозимига киришади ва Киевга сафари унинг биринчи хорижий ташрифи бўлиши мумкин.
Шунингдек, Politico хабарига кўра, Европа дипломатиясининг раҳбари Кая Каллас ЕИ ташқи ишлар вазирларининг Люксембургдаги йиғилишидан сўнг Европа раҳбарларини 9 май куни Москвадаги тадбирларда иштирок этмаслик ҳақида огоҳлантирди ва уларни бунинг ўрнига Украинага бирдамлик кўрсатишга чақирди.
Россия тез орада ғурурдан портлаб кетади
Россия Ҳиндистон ва Покистонга мурожаат қилди
Қозоғистон Хитойга ер бергани ҳақиқатми?
