АҚШнинг Украинага Patriot ракеталари ва бошқа муҳим қурол-яроғларни етказиб беришни тўхтатиши Киев учун оғриқли зарба бўлди. Бу ҳақда Украина Олий Радасининг миллий хавфсизлик масалалари қўмитаси раиси Фёдор Вениславский баёнот берди.
«Бу қарор, шубҳасиз, биз учун жуда нохуш ва оғриқли», — деди Вениславский.
Украина ҳукумати Ғарб иттифоқчиларини Россия ҳаво ҳужумларига қарши туриш учун қурол етказиб беришни кучайтиришга чақирар эди. Бироқ АҚШ ўз захираларини текширгандан сўнг етказиб беришни вақтинча тўхтатишга қарор қилди. Бу қарор Пентагондаги сиёсий бошқарув раҳбари Элбридж Колби томонидан қабул қилинди. У АҚШнинг артиллерия снарядлари, зенит ракеталари ва аниқ нишонли қуроллар захиралари камайганидан хавотир билдирди.
Оқ уй вакили Анна Келли бу қарор «Аввало Америка манфаатларини қўйиш» тамойили асосида қабул қилинганини таъкидлади. «АҚШ армиясининг кучи шубҳасиз — бу ҳақда Эрондан сўраб кўринг», — деди у.
Қарорга кўра, Patriot ракеталари, Hellfire ва GMLRS ракета тизимлари, 155 мм артиллерия снарядлари, Stinger зенит ракеталари ва бир неча турдаги гранатомётлар етказиб берилиши тўхтатилди. Бу қарор Россия томонидан ҳаво ҳужумлари кучайган даврда қабул қилинди.
Украина президенти Владимир Зеленский яқинда Гаагада Дональд Трамп билан Patriot тизимлари бўйича эҳтимолий келишувни муҳокама қилган эди, лекин натижага эришилмади. Трампнинг таъкидлашича, АҚШда ушбу тизимлар етарли эмас ва улар аввал ўз армиясига керак.
Аёлларнинг пенсия ёши яна 6 ойга оширилди
Қирғизистонда фавқулодда ҳолат эълон қилинди
Элдор Шомуродовнинг янги жамоаси маълум. У Италиядан кетмоқда
